Asaari Bibang: «Humor Negra» bakarrizketa

HASIERA: martxoa 15, 2025
BUKAERA: martxoa 15, 2025
NON: Topic - Euskal Herria Plaza (Tolosa)
ORDUTEGIA: 19:00

Beste bat
Inskripzioak
Informazio gehiago

Tolosaldea Garatzen Migrazio eta Aniztasun sailak, Tolosako Udaleko Berdintasun Arloak eta Tolosaldeko Andragora Emakumeen Etxeak antolatuta, martxoaren 15ean Humor Negra bakarrizketa ikusi ahal izango da Topic-en, 19:00etatik aurrera, Asaari Bibang afrofeminista eta antirrazistaren eskutik. Sarrerak Topicen leihatilan edo webgunean egongo dira salgai.

14 urtetik gorakoentzat gomendatutako ikuskizuna da. Humor Negra ez da komedia-ikuskizun bat bakarrik, asmoen adierazpen bat da. Arrazakeriaren aurkako bakarrizketa afrofeminista honetan, umorearen bidez, Asaari Bibang gai da emakume, beltz eta migratzaile izatearen arrazoiez argi eta garbi hitz egiteko. Ikuskizunak, irauten duen 90 minutuetan, ikuslea topiko, aurreiritzi eta estereotipoen ispiluaren aurrean jartzera behartzen duen ibilbidea egiten du, eta, aldi berean, deseraikitze-bidaian laguntzera gonbidatzen du.

Horretarako, ikuslea errealitatera eramango du, hasieratik amaierara, ikuskizun dinamiko batekin, askotariko gaiak aipatuz: salbatzaile zuriaren sindromea, erreprezentazioaren garrantzia, «beltz bakarra», bikote arrazializatuak edo imajinario kolektiboan dagoen emakume beltzaren hipersexualizazioa.