‘Fokuan’ jardunaldiak 2025: «Negozioa gerra garaietan»

HASIERA: apirila 7, 2025
BUKAERA: apirila 10, 2025
NON: Europa Jauregia (Gasteiz)
ORDUTEGIA:

Jardunaldia/Kongresua/Topaketa

Gasteizko Udaleko Garapenerako Lankidetzaren Zerbitzuak, HEI Herritartasunerako Eskola Irekiarekin elkarlanean, apirilaren 7tik 10era bitartean Gasteizen egingo diren jardunaldietara gonbidatu nahi zaituztete. Fokuan. Negozioa gerra garaian: nola eraiki bakearen aldeko herritartasuna? izenburupean, seigarren edizio honetako programazioan bildutako jarduerek gatazka belikoen interes ekonomikoetan sakontzeko asmoa dute, baita bakearen kultura nola sustatu aztertu ere.

Andre Maria Zuriaren plazan, Ricardo García Vilanova argazkilariaren Siria eta Sudan, gerra ahaztuak erakusketa izango da ikusgai, apirilaren 7tik 28ra bitartean. Egileak bisita gidatua eskainiko du inaugurazio-egunean, apirilaren 7an 11:00etan.

Eta, besteak beste, Europa Jauregian hitzaldiak eta mahai-ingurua izango dira: Tica Font, Jesús A. Nuñez Villaverde eta Jordi Armadans, batetik; eta bestetik, Ana Ribacoba (Emakumeok Gerraren Aurka), Albaro Anta (Gasteizkoak) eta Luis Arbide (Ongi Etorri Errefuxiatuak).

Jardunaldietan parte hartzea doakoa da. Edukiera mugatuko jardueretan sarrera librea izango da, lekuak bete arte.