Aurkezpena “AHANZTURAREN AURKAKO ERREZETAK. Palestinako emakume errefuxiatuekin Libanon sukaldatzen”

HASIERA: urtarrila 27, 2024
BUKAERA: urtarrila 27, 2024
NON: BBK Kuna, Sala Gambara. Urazurrutia 3, Bilbao
ORDUTEGIA: 12:00- 13:30

Inskripzioak

Urtarrilaren 27an, UNRWA Euskadik “AHANZTURAREN AURKAKO ERREZETAK. Palestinako emakume errefuxiatuekin Libanon sukaldatzen” liburua aurkezten du.  Liburua 12 emakume ausarten sukaldaritza jakintzetan oinarrituta dago. Emakume horientzat sukaldaritza Palestinako historia, bere historia, kontatzeko modu berezia da. 

Ekitaldi hau Africa Baeta kazetariak moderatuko du, eta Libanoko palestinar emakume errefuxiatuen egoera eta egunez egun dituzten erronkak eta zailtasunak bertatik bertara ezagutzeko aukera emango digu. Topaketa honek Palestinako errefuxiatuen errealitatera hurbilduko gaitu, kultura guztientzat hain baliotsua den zerbaiten bitartez: sukaldaritza eta gastronomia.

UNRWA Euskadik eta Luisa López Tellería diseinatzaile gastronomiko eta Basque Culinary Centerreko irakasleak dinamizatutako elkartrukerako eta hausnarketarako topaketa izango da hau. Duela gutxi Libanora bidaiatu zuten errezetak bertatik bertara lortzeko eta janaria prestatzen zuten emakumeekin elkarrizketatzeko, euren lurra eta sustraiak ez ahazteko.

Gainera, aurkezpen honek zentzumen guztientzako esperientzia izan nahi du, non produktu batzuk dastatu eta Palestinako sukalde tradizionaletara eramango gaituzten espezia batzuk usaindu ahal izango diren. Bitartean, errezeta-liburu honetako protagonistek aurkitzen dituzten irrika eta gainditze istorioak ezagutuko ditugu. Mariam, Abeer, Samar, Nadia, Fadwa, Hanan, Raghad, Dareen, Hannan, Suha, Alyaa eta Ahmed 12 emakume erresiliente dira, Libanoko Palestinako errefuxiatuentzako kanpamendu urrunetatik beren lurrak eta arbasoak gogorarazten dituztenak.

Jarduera doakoa da, eta edukiera mugatua kontrolatzeko, aldez aurretik izena eman behar da esteka edo QR kode honetan: https://forms.office.com/e/JFa5rnJYA8