Garapen bidean dauden herrialdekin lan egiten duten irabazi asmorik gabeko elkarteentzako dirulaguntza

Hasierako data: 2024 / 06 / 14
Azken eguna: 2024 / 07 / 11

Deitzaile: Ibarrako Udala

Gomendatzen dugu dirulaguntzen epeak konfirmatzea administrazioak publikatutako deialdian.

Xedea:

Garapenerako lankidetza proiektuek printzipio gidari hauek bete beharko dituzte:

— Helburuko populazioen ekonomia- eta gizarte-garapeneko premiei erantzutea eta gizarte-sektore kaltetuenetan eragina izatea.

— Ez izatea noizbehinkako ekintza isolatuak, eta gizartea eraldatzeko estrategia orokorrago batean kokatuta egotea.

— Gizarte-garapeneko programen barruan burutzea, komunitate onuraduneko kideen partaidetza eta prestakuntza sustatzea, eta tokiko eta eskualdeko erakundeen garapena bultzatzea.

— Kultura ez inposatzea eta komunitate hartzailearen idiosinkrasia eta ingurumena errespetatzea.

— Hiritar guztiek oro har horien onurak jaso ahal izatea, emakume eta haurren egoera berezia kontuan izanda, eta berorien aukeren garapena sustatuta.

— Proiektuaren helburu diren kolektiboen eta Ibarrako udalerriaren arteko elkartasun-erlazioak sustatzea eta finkatzea.

Diru-laguntzaren zenbatekoa:

19.000 euro.

Onuradunak:

Oinarri hauek arautzen dituzten diru-laguntza 4. artikuluan jasotzen diren jarduera-programaren bat garatu nahi eta oinarri hauetan zein diru-laguntza gaietan aplikagarria den araudian aurreikusitako baldintzak eta eskakizunak betetzen dituzten Ibarran egoitza edo ordezkaritza iraunkorra duten diru irabazi asmorik gabeko izaera duten pertsona fisiko edo juridikoak, publiko zein pribatuek.

Diru-laguntza jaso ahal izango dute legez eratuta eta Eusko Jaurlaritzako elkarte-erregistroan izena eman eta Ibarran kokatutako eta deialdi honetan ezarritako arloan jarduerak egiten dituzten elkarteak. Ibarrako Udalaren Diru-laguntzen Ordenantza Orokorraren 8. artikuluan ezarritako baldintza guztiak bete beharko dituzte.