Proiektu Sozialen deialdia: nazioarteko lankidetza

Hasierako data: 2025 / 04 / 1
Azken eguna: 2025 / 05 / 8

Deitzaile: La Caixa Fundazioa

Gomendatzen dugu dirulaguntzen epeak konfirmatzea administrazioak publikatutako deialdian.

La Caixa Fundazioaren deialdi honen helburua da pobrezia murrizteko eta garapen-indize txikiena duten Afrikako, Asiako eta Latinoamerikako herrialdeetako desberdintasunen aurkako borrokan laguntzeko aukerak sortzea, Espainiako GKEek herrialde hartzaileetako tokiko bazkideekin lankidetzan bultzatutako proiektuen bidez. Lehentasuna emango zaie iraunkortasuna bermatzen duten eta asistentzialismo maila txikia duten programei.

 

Saio informatiboa

Deialdiari buruzko zalantzak argitzeko online saio informatibo bat egingo da 2025eko apirilaren 3an, 12:00etan.

Parte hartzeko, beharrezkoa da izena ematea aldez aurretik: streaming bidez parte hartu

 

Erakunde hautagarriak

Deialdira honako erakunde hauek aurkez daitezke:

  • Irabazi asmorik gabeko entitateak.
  • Ekonomia sozialeko entitateak, baldin eta haien estatutuetako helburuen artean berariaz jasota badago garapenerako nazioarteko lankidetza sustatzea.

Deialdi honetatik kanpo geratzen dira administrazio publikoak.

Erakunde horiek legez eratuta eta dagokien erregistroan inskribatuta egon behar dute, egoitza Espainiako lurraldean izanda, eta helburu instituzionaltzat izan behar dute garapenerako nazioarteko lankidetzarekin lotutako jarduerak egitea.

Erakundeek tokiko bazkide bat izan behar dute proiektua gauzatuko den herrialdean.

 

Jarduera eremuak

Deialdiak hiru jarduera eremu jasotzen ditu:

  • Garapen sozioekonomikoa.
  • Osasunaren hobekuntza.
  • Hezkuntzaren eta prestakuntzaren sustapena.
https://fundacionlacaixa.org/es/convocatorias-sociales-cooperacion-internacional