- Aurten, Euskadiko GGKEen Koordinakundeak, eLankidetzak eta Hegoa Institutuak urtero antolatzen duten Gizarte Eraldaketarako Hezkuntzari buruzko topaketa apirilaren 3an izango da, Donostian.
- Maider Elortegi Uriarte eta José Luis Fernández Casadevante ‘KOIS’ adituek emango diote hasiera jardunaldiari. Eta hainbat esperientzia partekatuko dira: besteak beste, Bideratze eta Aldaketa Institutua (IIFACe), Kaleko Afari Solidarioak, SOS Arrazakeria eta Cala Kolektiboa.
Euskadiko GGKEen Koordinakundeak, Hegoa Institutuarekin eta eLankidetza – Lankidetzarako eta Elkartasunerako Euskal Agentziarekin elkarlanean, Gizarte Eraldaketarako Hezkuntzari buruzko VIII. Jardunaldiak antolatu ditu apirilaren 3rako, osteguna, 09:30etik 17:30era, Gipuzkoako Sendagileen Elkargoan (De Francia Ibilbidea, 12 – Donostia). Izen-ematea martxan dago jada, eta martxoaren 27ra arte egongo da zabalik.
(H)ABIAN 2030 estrategian agertzen diren 6 indar ideiak landu eta aurreko edizioetan egindakoari buruz hausnartu ondoren, zortzigarren edizio honetan iaz hasitako zikloarekin jarraituko dugu. Ildo horretan, indar-ideien inguruan lan egiten jarraitu nahi dugu; hala ere, ideia horietako bakoitza Gizarte Eraldaketarako Hezkuntzak egun dituen erronka batzuekin lotuko da. Horregatik guztiagatik, aurtengo jardunaldien izenburua Eraikuntza komunitarioaren erronkak gizarte eraldaketan izango da.
Ildo horretan, goizean, gaian ibilbide luzea duten Maider Elortegi Uriarte eta José Luis Fernández Casadevante ‘KOIS’ adituek Miguel Esquembre Gonzálezek bideratutako hizketaldi batean parte hartuko dute.
Hasierako solasaldiaren ostean, ikuspegi hori aplikatzeko esperientziak ezagutzera hurbilduko gara, lau erakunderen eskutik, Cony Carranza Castrok bideratutako mahai-inguru batean:
- IIFACe – Bideratze eta Aldaketa Institutua: Mabel Cañada Zorrilla
- KAS – Kaleko Afari Solidarioak: Koldo Tellería Andueza
- SOS Arrazakeria
- CALA Kolektiboa: Miguel Esquembre González
Horretaz aparte, arratsaldean, taldeka gaiaren inguruan elkarrekin hausnartzeko aukera izango dugu. Tematikaren hautaketa Koordinakundeko hezkuntza-taldea osatzen duten erakundeekin egindako hausnarketa-prozesu baten emaitza izan da, beraz, zuen interesekoa izatea espero dugu.
Zuen zain gaude!
