KOORDINAKUNDEA
Bazkide izateko betebeharrak
Garapenerako lankidetzaren arloan lan egiten duen erakundea bazara, Euskadiko GGKE-en Koordinakundearen kide izan zaitezke.
8 arrazoi gure sarearekin bat egiteko
Sarean lan egin
Besteak beste, nazioarteko lankidetzari, gizarte-eraldaketarako hezkuntzari edo generoari buruzko analisiak, jarrerak eta proposamenak sortzen lagundu ahal izango duzu. Elkarrekin egiten diren dokumentuak eta azterlanak eskuratu ahal izango dituzu.
Etengabeko prestakuntza jaso
Zure erakundeko kide guztiek parte hartu ahal izango dute antolatzen ditugun formakuntzetan.
Zure ahotsa zabaldu eta zure lana partekatu
Gure web-orrian eta beste gune batzuetan zabaldu ahal izango dituzu zure jarduerak, kanpainak, ikastaroak, lan-eskaintzak edo boluntario-lanak eta abar, pertsona gehiagorengana irits daitezen.
Ikaskuntzak trukatu
GGKE-en beste esperientzia batzuk ezagutu, haietatik ikasi eta zureak partekatu ahal izango dituzu. Era berean, ikasitako estrategiak eta lezioak bateratu ahal izango dituzu, lana etengabe hobetzeko.
Beste sare batzuetara sarbidea
Euskadiko GGKE-en Koordinakundeak parte hartzen duen edo kide den tokiko eta nazioarteko beste sare eta mugimendu sozial batzuekin konektatu ahal izango zara, eta, hala, zure ekintza-eremua zabalduko duzu.
GGKE-en autoerregulazio proposamena jarraitu
Gure sareko kide izateak esan nahi du nahitaez bete behar dela Euskadiko GGKE-en Koordinakundearen Jokabide Kodea. Dokumentu horrek kontzeptuak argitzen ditu eta printzipioak adosten ditu bazkide diren GGKE-entzat, gure lanaren eragina hobetu ahal izateko.
Zure lana indartu
Garapenaren, nazioarteko elkartasunaren eta giza eskubideen defentsaren arloan guztion onerako lan egiten duten euskal erakundeen sare handi honen parte sentituko zara.
Informazioa beti eskura izango duzu
Euskadiko garapenerako lankidetzari eta GGKE-ei buruzko informazio eguneratua eta etengabea eskuratu ahal izango duzu.
Euskadiko GGKE-en Koordinakundeko bazkide izan
Gure Estatutuek arautzen dute entitate bat erakundeko kide izateko prozedura.
Ondoren azalduko ditugu GGKEak Euskadiko GGKE-en Koordinakundean sartzeko prozeduraren laburpena eta eskaera egiteko bete behar duten galdetegia: