Gure historia

Sexuagatiko eta sexu-orientazioagatiko sexu-jazarpeneko egoeretan prebenitzeko eta jarduteko protokoloa onartu genuen. Horrek erakutsi nahi du ez ditugula inola ere egoera horiek onartzen. Era berean, prozedura bat arautzen du, eta erreferentziazko tresna izan nahi du sektorean.

• Gasteiz konexioan izeneko ekimena jarri genuen martxan, herritarrak sentsibilizatzeko gure ingurune hurbilaren eta GGKE-ek lan egiten duten herrialde eta lekuen arteko loturei buruz.

• Urkullu lehendakariak garapenerako politiken koherentziari buruzko dokumentu instituzional bat argitaratu zuen. Bertan, bere gobernuaren ekintza osoan garapenerako politiken koherentzia-ikuspegia txertatzeko konpromisoa hartu zuen. Dokumentu horrek indartu egiten du gure erakundeak arlo horretan bultzatzen duen lana.

• Eusko Legebiltzarrak Euskadiko Hirugarren Sektore Sozialari buruzko Legea onartu zuen. Haren helburua da, batetik, Euskadiko hirugarren sektore soziala eratzea eta ezaugarritzea hura osatzen duten erakunde eta sareen bitartez, besteak beste garapenerako lankidetzakoak, eta, bestetik, horiek indartzeko eta lankidetza bultzatzeko neurriak sustatzea.

• Murrizketa ekonomikoak Garapenerako Lankidetzaren Euskal Agentziara eta Bizkaiko lurraldera iritsi ziren, eta jaitsiera handiak egon ziren ekitaldi horretako eta hurrengoetako lankidetza-sailetan. Bai kasu horretan, bai Arabako aurreko urteko murrizketen kasuan, gure erakundeak funtsezko rola izan zuen murrizketak salatzeko, eta geldiarazten eta lehengoratzen saiatzeko.

• Murrizketen testuinguru horretan, hain zuzen ere, Eraldaketarako lankidetza elkarrizketak kanpaina bultzatu genuen. 2016ra arte, Euskadiko eta Hegoaldeko hainbat pertsona ospetsuk balioa eman zioten lankidetzaren eta GGKE-en lanari.

• Zein da zein? kanpaina abiarazi genuen. Haren helburua zen gure egungo garapen-ereduaren ondorioak azaltzea, arduradunak identifikatzea eta sistema solidarioago eta bidezkoago batera eramango gaituzten alternatibak proposatzea.

• Gipuzkoan, Unibertsitate Kritikoaren Sarea sortzea bultzatu genuen. Sare horretan, EHUn presentzia duten hainbat eragilek hartu zuten parte, hala nola GGKE-ek, irakasleek, ikasleek eta abarrek, unibertsitatea eraldatzeko eta gai sozialak diziplina guztietan zeharkatzeko.

Parte hartu genuen Desazkundea eta Ondo bizitzea izeneko sarean. Sare hori egungo garapen-ereduaren alternatibak bilatzen dituzten erakundeek eta kolektiboek osatzen zuten.

• Eusko Jaurlaritzak Ignacio Ellacuria saria eman zigun garapenerako lankidetzan egindako ibilbidea aitortzeko.

• Elkartze Akordio Ekonomikoen (EPA) aurkako kanpainak bultzatu genituen. Hurrengo urteetan, halaber, bat egin genuen merkataritza libreko beste akordio batzuen aurka, hala nola Merkataritza eta Inbertsioen Itun Transatlantikoa (TTIP) eta Ekonomia eta Merkataritza Akordio Globala (CETA).

• Eusko Legebiltzarrak onartu egin zuen Herrialde Pobretuekiko Justizia eta Elkartasunerako Gutunaren legegintzako herri-ekimena. Bertan jaso ziren Gobernuak hartutako konpromisoak kanpo-zorra ezabatzeko, arma-industriei ez laguntzeko eta bidezko merkataritza bultzatzeko.

• Eusko Legebiltzarrak Garapenerako Lankidetzarako Euskal Legea onartu zuen, eta 2012rako euskal administrazioen aurrekontu guztien % 0,7 lankidetzara bideratzeko konpromisoa ezarri zuen.

• Martxoaren 8ko eta azaroaren 25eko Bizkaiko koordinakunde feministetan hasi ginen parte hartzen.

• Euskal GGKEok parte hartu genuen G8aren goi-bileraren aurkako mobilizazio garrantzitsuenetan; hau da, neoliberalismoaren eta kapitalismoaren adierazleetako baten aurka.

• Euskadiko GGKE-en lehen partzuergoaren buru izan ginen. Partzuergoaren helburua zen Araban gauzatzea Otro globo es posible-Egin bira lurbirari sentsibilizazio-proiektua.
• Donostiako Udalarekin hasi ginen elkarlanean Giza Eskubideen Zinemaldia antolatzeko.
• MEWANDO (Middle East without Wars and Oppressions) sarea sortu zen, erakunde eta mugimendu sozialez osatua; horien artean, gurea. Haren helburua zen Ekialde Hurbileko egoeraz sentsibilizatzea eta Palestinako herriarekiko elkartasuna sustatzea.
• Araban, aurreko sentsibilizazio-proiektuarekin jarraitu genuen, eta bide eman genion Mírame con otros ojos-Aldatu jarrera proiektuari.

Gure lehen ildo estrategikoak landu genituen, eta, horren ondorioz, 2005-2009 aldirako I. Plan Estrategikoa onartu genuen, 2005ean.

• Proiektu hauek jarri genituen martxan: Urakanaren begian eta Aldatu zure kaskoaren hegoaldea.

• Euskadiko GGKE-en Koordinakundearen Jokabide-Kodearen Jarraipen Batzordea sortu genuen.

• Gure sarea Estatuko Garapenerako Erakundeen Koordinakundean sartu zen.

• Mitch urakanaren ondoriozko larrialdia zela eta, erakunde batzuek antolakunde erreferente izendatu gintuzten, biltzen zituzten funtsak esleitzeko eta kudeatzeko.

• GGKE bazkideetako emakume-talde batek GGKE-etan genero-ikuspegiari buruzko ikerketa bat egin zuen.

GGKE-en lana ezagutzera emateko, sentsibilizazio-kanpaina bat abiarazi genuen, bi proiektu hauekin: Berdintasun gehiagorekin mundu guztiak irabazten du eta GGKE oso aipatuak, ez oso ezagunak.

% 0,7 plataformak kanpaldia antolatu zuen Bilboko Areatzan, bai eta Euskadiko beste udalerri batzuetan ere, Gasteizen, esaterako, elkartasun-adierazpenak egin ziren. GGKE-ek, kolektibo solidarioek eta ehunka pertsonak hartu zuten parte, Eusko Jaurlaritzari eta foru-aldundiei eskatzeko bidera zezatela nazioarteko lankidetzara Euskadiko barne-produktu gordinaren % 0,7, edo, udalen kasuan, aurrekontuen % 0,7.

GGKE-en artikulazioak Euskadiko udaletako proiektuen lehen deialdiak bultzatu zituen, eta Garapenerako Lankidetza eta Laguntzarako Funtsa (FOCAD, gaztelaniazko siglak) sortzen lagundu zuen, Eusko Jaurlaritzaren eta Arabako, Bizkaiko eta Gipuzkoako Foru Aldundien eskutik. Hamarkada bat geroago, aldundiek beren bideari ekin zioten, lankidetza-politikak diseinatzeko.

Nazio Batuen 25. Batzar Nagusiak erabaki zuen ekonomikoki aurreratuta zeuden herrialdeek beren nazio-produktu gordinaren % 0,7 bideratuko zutela egoera ahulenean zeudenetara. Horrek bultzatu zuen euskal GGKEak sortzea eta sendotzea.