LAN-ILDOAK:
Gizarte-eraldaketarako komunikazioa
Informazioaren eta komunikazioaren aldeko apustua egiten dugu gizarte demokratikoetan bermatu beharreko giza eskubide gisa, pertsonen eta herrien garapena bermatzen dutelako.
Gizarte-eraldaketarako komunikazioan, prozesu bat da komunikazioa (produktu bat baino gehiago), gizarte parte-hartzaileak, demokratikoak, horizontalak eta askotarikoak eraikitzeko. Eztabaidan, hausnarketan eta ekintzan gizarte-eragile guztiek parte-hartzea lortu nahi du, garapen-eredu justua eta jasangarria sortzeko modu kolektiboan.
Errealitatearen ikuspegi proaktiboagoa eta ingurunea eraldatzeko jarrera sortzen du pertsonengan, ikuspegi globaletik betiere. Informazioa ekintza bihurtzen du; horretarako, aldaketarako informazioa, prestakuntza eta proposamenak eskaintzen ditu, eta kontzientziatu, ikertu eta ezkutatu nahi den egia azaleratzen du. Era berean, herritarrak mobilizatzeko deia egiten du, parte-hartzean, gizarte-kohesioan eta eraldaketan laguntzen du, norbanakoaren eta kolektiboaren ikuspegitik, eta onartezinaren aurrean alternatibak proposatzen ditu.
Gainera, uste du komunikabideen eta kazetarien parte-hartze aktiboa funtsezko eragileak direla ahalduntze komunikatiboa, aldaketa soziala eta balio solidarioen sustapena ahalbidetzeko, etengabeko ezagutza eta hausnarketa kritikoa oinarri hartuta.
Komunikazioa aldaketa sozialaren eragile gisa:
- Lan-arloekin eta lantaldeekin koordinatuta, erakundearen helburuekin bat datozen komunikazio-estrategiak diseinatzen ditugu.
- Komunikabideei zuzendutako ekintzak egiten ditugu, gure jarrerak, jarduerak eta proposamenak zabaltzeko eta, hala, munduan bizi diren errealitateen aurrean biztanleria informatua, kritikoa eta parte-hartzailea izan dadin laguntzeko, bai eta elkartasuneko eta nazioarteko lankidetzako politikak indartzeko ere.
- Bidegabekeria globalak eta haien zergatiak ikusarazten ditugu, bai eta bidegabekeria horiek aldatzeko eskura ditugun tresnak ere, eta egitea nahi ez duten galderak planteatzen ditugu. Gainera, ihes egiten dugu diskurtso sinplista, paternalista edo alderdikoietatik, eta sistema demokratikoak higatzen dituzten gorrotoaren eta desinformazioaren diskurtsoei aurre egiten diegu. Herritarrekin konektatu nahi dugu, partikularra eta indibiduala denaren aurrean, guztion ongiaren alde egiteko.
- Komunikazio-tresnak kudeatzen ditugu, hala nola web orriak, buletinak, sare sozialak edo argitalpenak.
Lotutako aktualitatea
Jarraitu euskal lankidetzaren aktualitatea: «Munduz Mundu» Telegram eta Whatsappen
Euskadiko GGKEen Koordinakundeak sare sozialetako egoera berriari buruzko hausnarketa prozesu bati ekin dio. Gainera, Telegram kanal bat eta Whatsapp talde bat jarri ditu martxan.
GKEen Nazioarteko Eguna: elkarrizketa Radio Vitorian
Euskadiko GGKEen eta horiek biltzen dituen Koordinakundearen lanari buruz hitz egin dugu Radio Vitoria irratian, bai eta lankidetzarako gastu publikoa %0,7ra izateko beharraz ere. Konpromiso horretan, Gasteiz aitzindaria izan zen urte askotan zehar.
Defentsan inbertitzea
Josu Urrutia Beristain Euskadiko GGKEen Koordinakundeko lehendakariaren iritzi artikulua: «Armagintzarako inbertsioak ahaztu ditzaten, Giza Garapen Iraunkorrarekin koherenteak diren politika sozioekonomikoak bultza ditzaten eta adostutako konpromisoa bete dezaten: urtero gastu osoaren %0,7 lankidetza-politikara bideratzea».
Genero jardunaldietako bideoak ikusgai: «Entzuten al da emakumeen ahotsa?»
2024ko abenduaren 12an, eLankidetzak eta Euskadiko GGKEen Koordinakundeak generoaren arloan erakundeen barnera egindako lanari buruzko jardunaldiak antolatu zituzten, Bilboko Hika Ateneoan. Nava San Miguel, Francy Fonseca, Clara Murguialday, María Ángeles Fernández, Hiruki Larroxa eta Farapi Koop bildu zituzten hitzaldi eta mahai-inguruak ikusgai daude jada.
«Nazioarteko Lankidetza Hiztegiak lankidetzaren arloan euskaraz komunikatzeko argibideak eskaintzen ditu»
Euskadiko GGKEen Koordinakundeko lehendakariorde Nerea Uriarte Goitiari eta Bakun zerbitzuko Joseba Ossa Altzibarri elkarrizketa Radio Euskadi irratiko Bostekoa saioan, nazioarteko lankidetzaren arloko euskarazko lehen hiztegiari buruz.
Sarean ikusgai da nazioarteko lankidetzaren arloko euskarazko hiztegia
Euskadiko GGKEen Koordinakundeak Nazioarteko Lankidetza Hiztegia sortu du. Dokumentuak lankidetzaren arloko ohiko hitzak, kontzeptuak eta siglak biltzen ditu, euskaraz.
